Zalantza ugari euki arren, azkenean UEU-k 48. Udako Ikastaroakaz aurrera egitea erabagi dau. #ElkarEkin lelopean, bagilaren 18tik iraila hasierara bitartean 17 jarduera (12 ikastaro eta 5 jardunaldi) egingo dira, Eibar, Iruña, Baiona, Usurbil eta Donostian. Guztiek hamar euroko prezio sinbolikoa izango dabe eta matrikulea zabalik dago (www.ueu.eus webgunean). Irati Iciar Udako Ikastaroen arduradunak azaldu deuskunez, aurrez aurreko eskaintzeari eusteko, ikastaroek barritasunak ekarriko dabez: ikastaroak laburragoak izango dira eta talde txikietan egingo dira.