Bizkaian egingo dan Via Campesinako biltzarrera mundu osoko nekazal eremuko 1.000 pertsona hurreratuko dira. Garagarrilaren 15etik 24ra bitartean Derion egingo dan nazinoarteko kongresuan nekazariak, arrantzaleak, artzainak, indigenak eta lurragaz zerikusia daben beste behargin batzuk batuko dira. EAEn esaterako gaur egun nekazaritza eta arrantza sektorean 10.300 pertsonek behar egiten dabe. Lanean dabilen populazinoaren %1,1 hain zuzen be. Via Campesinako ordezkaria dan Unai Arangurenegaz berbetan aritu gara. Via Campesinako kongresuan batuko diran pertsona guztiek nekazal eremuan gaur egun bizi diran arazoez eta erronkez eztabaidatuko dabe. Fokoa etorkizunerako alternatibetan be jarri gura dabe.