Bizkaia Bizkaialde fundazinoak eratuta, saskibaloi jaia izango da zapatuan Miribillan. Bilbao Basketen eta Retabet Gipuzkoaren arteko partidua jokatuko dala kontuan hartuta, Gernika Bizkaiak be bertan jokatuko dau (17:00). Izaskun Garcia jokalariak Bizkaia Lehian saioan aitortu deuskunez, jai polita izango da, garrantzitsuena garaipena da orain. Izan be, playoffean sartzeko aukerea daukie Conquerori irabazi eta gero. Bidaideak Bilbo BSR-k Europako Txapelketako azken fasea jokatuko dau apirilean. Lau partiduak irabazita sailkatu da. Astegoienean ligara itzuli behar dabe. Badajozen jokatuko dau Bilbok. Lerro Hockeyan, Metropolitanok playoffera sailkatzea lortu dau lehenengoz. Ibai Kortabitarte jokalariak azaldu deuskunez, lehenago be lortu ahal eben, baina azkenean heldu da.