BM Bilbao Atletismo Santutxu taldeak nagusitasun osoz irabazi dau Bizkaiko Kros Txapelketea. Ez dau izan aurkaririk Berrizko ibilbidean. Majida Maayouf heldu zan lehenengo helmugara, eta Iraia Garcia bigarren. Atzetik, hainbat taldekide, lehen tokietan. Samira Ahbouche, Leire Medina, Maite arriaz, Onditz Iturbe, Gurutze Frades... Taldeak garaipen handia, eta bakarkako txapela, Garciarentzat. Beragaz egin dogu berba Bizkaia Lehian saioan. Errugbian, Getxo azken aurreko tokira jatsi da. Eskubaloian, Barakaldo be ez jaisteko burrukan dabil bete-betean. Futbolean Athleticeko emakumeak laugarren tokira jatsi dira. Saskibaloian, barriz, Gernika oso indartsu dago, Zamoran irabazita. Etxeandia, Urretxa, Olabarrieta eta Diez izan ditugu konbidadu Bizkaia Lehian saioan.