Italiako Giroa azken txanpan sartuta dago. Richard Carapaz, Movistar taldeko txirrindularia dago sailkapeneko lehen postuan, Nibali, Roglic eta Mikel Landaren aurretik. Edozelan be, aldeak ez dira handiak eta maglia arrosa eskuratu gura daben txirrindulariek aukera bikaina daukie zapatuan Dolomita mendietan jokatuko dan etapan. Horregaz batera, ez da ahaztu behar domekan 17 kilometroko erlojupekoa jokatuko dala. Pello Bilbao, Astana taldeko txirrindulari gernikarragaz egin dogu berba 19. etapea abiatu aurretik. Bilbaoren ustez, Movistar taldea indartsu badago be, Giroa ez dago erabagita eta edozer gertatu daiteke azken etapetan.