Hil ala biziko partidua jokatuko dabe domekan Peña-Albisu eta Altuna-Mariezkurrena bikoteek Bilboko Bizkaia frontoian. Lehia irabazten dauenak eskuz binakako txapelketa nagusiko finala jokatuko dau Elezkano eta Zabaletaren aurka datorren maiatzaren 9an. Parekotasuna da nagusi bikote bi honeen arteko lehiatan. Izan be, lehen fasean alkarren aurka jokatu dabezan partidu biak 22-21ekoagaz amaitu dira. Lau protagonisten berbak batu doguz.