Maiatzaren 29an "Erro, harro, har" lelopean Abusu ikastolako familiek 2022ko Ibilaldia ospatuko dabe. Egun horretan milaka bizkaitar hurreratuko dira Arrigorriaga eta Bilbo lotuko dauzen ikastolen jaialdira. 4,2 kilometroko ibilbidea prestau dabe Abusu auzoan zehar eta Arrigorriagako mugaren barrutik be igaroko da. 

Lau gune ezarri dabez: Abusu ikastolea bera, Ibaieder parkea, Ollargan eta Montefuerte. Zunbeltz Fullaondok ikastolako zuzendariak, Zaloa Aldatz ikastolako gerenteak eta Josune Bañalesek Ibilaldiko koordinatzaileak detaile guztien barri emon dabe.