Errege egunaren bezperan, urtarrilaren 5ean egingo dabe Bilboko 17.Errege Opil solidarioa Caritas Bizkaia-k antolatuta. Bizi dogun egoerak eraginda, aurten aldaketa ugari egongo dira. Bilboko Plaza Barrian barik, Euskal Museoan banatuko dabez errazinoak, bihar, 10:00etatik 14:00etara. Aldez aurretik erosi behar dira errazinoak, Caritasen egoitzan, Euskal Museoan edota horretarako atondu daben webgunean. Aurten batzen dan dirua, arrakala digitalaren kontra lan egiteko bideratuko dau Caritas Bizkaia-k.