Bizkaiko baserritarren lana ezagutzeko ENBA sindikatuak "Ondo Etorri Baserrira" izeneko bisita gidatuen zikloa sortu dau. Garagarrilaren 7an eta 8an izan diran bisita gidatu honeetan edonork emon leike izena. Horretarako www.ongietorribaserrira.eus webgunea jarri dabe erabilgarri. Helburu nagusia ENBA sindikatuko Bizkaiko ordezkaria dan Oneka Zaballak azaldu deusku. Bizkaian bisitau ahalko diran baserriak Orozkon, Muskizen, Elorrion, Berrizen edo Ubidean dagoz. Baserri edo nekazal ustiategi honeetan zer ezagutu ahako dan azaldu deusku Oneka Zaballak. Aurtengoa Ondo Etorri Baserrira jardunaldien laugarren edizinoa izango da eta Gipuzkoako baserri ugari be bisitau ahalko dira.