Athleticek gero eta gatxago dauka datorren denporaldian Europan jokatzeko sailkapena. Marcelino Garcia Toralek huts egin dau azken partidu bietan, ez da-eta garaipenik lortzeko gauza izan. Zuri-gorriek partidu negargarria jokatu eben Granadaren aurka Los Carmenesen. Etxeko taldeak ederto baliatu eban Athleticek egindako oparia eta partiduko gol bakarra sartu eban. Marcelinok bost aldaketa egin ebazan bigarren zatian baina bere taldeak ez eban erreakzionateko gaitasunik erakutsi.