Irrati esataria eta DJa ez eze bakarrizketen sortzailea be bada bergararra. Euskereagaz dekogun hartuemona eta umorea buztartuta "Euskañolitis" bakarrizketa barria prest daukala esan deusku. Bestalde udan disko festetan eta dantzalekuetan behar egiten daben profesionalen jarduna nabarmen jaitsi dala autortu deusku. Oihan Vegak, pandemiak bere lan horretan eragindakoaz berba egin deusku. Oihan Vegak aire librean dagozan plazetan jarduten dau eta dino dantzalekuetan DJen egoerea okerragoa dala. Gogoratu diskotekek gaur egun euren ateak goizaldeko 01:30etan sarratu behar dabezala.