Bilbon, Durangon edo Arrasaten movember taldeak martxan dabilz. Zemendian gizonek bibotea iztea ez da moda kontua, barrabiletako eta prostatako minbiziari buruzko kontzientziazinoa lantzeko izaten da eta ekimen honegaz gero eta pertsona gehiagok egiten dabe bat. Gizonen artean gehien emoten dan bigarren minibizi mota, prostatako minbizia da. Estaduan urte bakotxean 32 mila kasu barri baino gehiago emoten dira. Euskadin gaur egun prostatako minbizia dabenen %91ari, zorionez, bizirauteko aukerak areagotu jakoz, baina zoritxarrez %9 batek ez dau horrenbesteko zorterik eukiten. Arrasateko movember taldekoek Zamudioko CIC Biogune ikerketa zentroari emoteko mila euro baino gehiago lortu dabezala esan deusku Igor Olmedok.