2. B mailan Amorebietak Palentziaren aurka galdu dau (2-0), eta Alavesek Burgosi irabazi deutso (0-3). Halandaze, playoffetako azken tokirako burrukea estutu egin da. Amorebietaren esku dago, baina Alaves puntu bakarrera parau da. Luis Prieto Alaveseko atzelaria konbidau dogu Atetik saiora (Gaur, 14.30). Atzean, Lemoak puntu bat lortu dau, baina azkena da eta jatsita dagoela esan leiteke. Federazino Kopan finalera heldu dira. Itxaropen handia izan dabe, dana dala 5-0 galdu dabe joanekoa. Itzulikoa eguen honexetan jokatuko da. Markel Robles erdilariagaz aztertuko dogu Lemoaren egoerea. 3. Mailan Barakaldo parau da lider Beasaini irabazita (2-0), eta Portugaletek Zalla gainditu dau (1-4). Asier Iriondo atzelaria konbidau dogu. Amaitzeko Unai Elorrietagaz egingo dogu berba. Santutxu jaisteko tokietatik 3 puntura dago.