Urdulizen Bigarren Errepublikearen eta Gerra Zibilaren sasoian gertatutakoak batzen dauzen ikerketa liburua aurkeztu eben atzo. Argitalpenak 1931 eta 1939 arteko zortzi urteko epea azaltzen dau eta sasoi hareko arlo politikoa, soziala eta kulturala zelakoa zan aitatzen dau. Egilea Koldo Somocueto izan da eta ikerlana gainbegiratzen EHUko historia garaikideko irakaslea dan Ludger Meesek jardun dau. Meesek liburuak dakarzan zertzelada ugariren barri emon deusku.