BFAk Bizkaiko landetxe, nekazal turismo edo ostatuetan “on-line” erreserbak egiteko aplikazino informatiko barria aurkeztu dau. Merkaduan honen modukorik ez dago, sarean dagozan aplikazino guztiak pribaduak diralako. Bihar bertan mybilbaobizkaia.com webgunearen bidez nekazal turismo edo landetxeetako jaube bakotxak bere produktuaren datuak eta argazkiak sartu ahalko dauz aplikazino barri honetan. Jaube bakotxak, modu berean, bezeroren batek erreserbea bertan behera izteagaitik ordaindu beharrekoa zehaztuko dau. Aplikazinoak bitartekari lana baino ez dau egingo eta bezeroari erreserbea txartelagaz ordainduteko aukerea be emongo deutso. Ordaindu ta ostean bezeroari bere e-mailera konfirmazinoa helduko jako.