Lan ildo barria bultzatu gura dau. Bizkaiko Foru Aldundiak lurraldeko sormen eta kultura ekosistemearen mapea osotu gura dau. Horretarako www.kultursistema.com tresna jarri dau martxan, Bizkaiko kultura sektorearen argazki ahalik eta zehatzena osotu ahal izateko. Begoña de Ibarra Kultura zuzendari nagusiak azaldu deuskunez, errealidadea zein dan jakin gura dabe, besteak beste, politika egokiak eta eraginkorrak egiteko. Bizkaiko sormen eta kultur ekosistemearen mapea uda amaierarako amaituta egotea aurreikusten dau Bizkaiko Foru Aldundiak.