Afrikako Iparraldeko herrialdetan CIEak jartea zentzurik bako neurria dala esan dau Karlos Zurutuzak nazinoarteko freelance-ak. Al Jazzera albiste agentziarako edo Berria egunkarirako lan egiten dauen freelance-ak azaldu deusku Libian gaur egun ez dagoala estadurik. Meditarranioa zeharkatzearen truke migratzaile askok mafiei milaka euro ordaintzen deutsiez. Asko itota hilteko daukien arriskuaren jakitun dirala esan deusku Zurutuzak. Halan da be, euren lurraldean bizi daben egoera krudela atzean iztea lehenesten dabe. Migrau barik Libian geratzen diranen bizimoduaz galdetu deutsagu Karlos Zurutuzari. Europako presidente batzuk CIEak Afrikan jarteko egin daben proposamena gogor salatu dau Zurutuzak. “Tierra adentro, vida y muerte en la ruta libia hacia Europa” izeneko liburua kaleratu barri dau Karlos Zurutuzak.