Gauza ezaguna da Deustuko Unibersidadeak irailean Medikuntza fakultadea zabaltzeko asmoa daukala. Erabagi horren aurrean, EHUko Medikuntza eta Erizaintza fakultadeko Ikasle Kontseiluak oharra kaleratu dau. Dinoe Deustuko fakultade barrian ikasiko leukienek ez leukiezala praktikak ospitale unibersitario baten egingo eta hori onartezina dala. Jon Ander Gonzalez EHUko Ikasleen Kontseiluko bozeroalea da baita medikuntza graduko ikaslea be. Gonzalezek esan deusku Deustuko Unibersidadearen proposamen barrian hutsune asko dagozala.