Ministro ta ministra barrien jarduna Pedro Sanchezek berak markauko dauela uste dau Izaskun Bilbaok eurolegebiltzarkideak. Euskal kupoari buruz edo beste gai batzuei buruz ministroek iraganean eukitako eretxien gainetik Sanchez presidentearena gailenduko dala esan deusku. Altsasuko gazteen egoerea salatzeko Europako Parlamentuko hainbat ordezkarik Europako Batzordeko presidenteordeari gutuna bialdu deutse. Gazteen gurasoek Estrasburgeko Giza Eskubideen Auzitegira joko daben jakiteko ondino itxaron behar dala uste dau Izaskun Bilbaok. Quebecen gaur bilduko dan G-7an Donald Trumpek hartuko dauen jarrerea salatu dau Izaskun Bilbaok. Trump isolatuta geratzen dabilela gaineratu dau. AEBek Europako altzairu ta aluminio ekoizleei ezarritako arantzelei aurre egiteko Europar Batasuna benetan batuta dagoala uste dau Izaskun Bilbaok.