Korrika19ren azken kilometroetako emozinoa irrati bidez jarraitzeko aukerea eskainiko dogu domekan. Bilbon jarduten dogun euskal irratiek alkarlanean, zuzeneko irrati saioa egingo dogu. Hiru ordu luzeko saioa izango da eta Bizkaia Irratian goizeko 11etatik aurrera entzungai izango da.

Mikrofonoetan, Bizkaia Irratia, Bilbo Hiria Irratia eta 97 Irratia alkarlanean jardungo dabe. Gero, Arrosa Sarea eta Euskal Irratiak-eri esker, Euskal Herri osora zabalduko da kontakizuna.

Sare sozialetan be kilometroz kilometro zer pasetan dan kontatzeko eta entzuleok sareratzen dozuezan argazki, audio etabarrak zabaltzeko #korrikabilbON traola erabiliko dogu.