Hegoaldeko Saihesbidearen zati barriaren kontrako plataformak supersur-aren luzatzea bertan behera izteko exigidu dau. Hegoaldeko Saihesbidearen zati barriak lau kilometro eukiko dauz eta Peñascaleko bidesaria Gasteizera doan A-68 autobideagaz lotuko leuke. BFAk lanak lizitau barri dauz eta behin adjudikauta udagoienean hasiko litzatekez. Inbersino publikoa 200 milioi eurokoa izango da. Ekologistek eta auzokideen alkarteek proiektu honen aurkako plataformea osotu barri dabe. Juan Pallares plataforma hortako ordezkaria da. Supersur-etik une honetan Bilboko Metropoliko trafiko osoaren %6 baino ez da pasetan eta azpiegitura horren luzatzeak zentzunik ez dauela uste dau Juan Pallaresek. A-68rainoko lotune barria egiteko Bilboko Bolintxu basoaren gainetik zubibide bat eregiko dabe. Proiektuaren kontrako platafomatik ingurumenari egingo jakon kaltea nabaria izango dala salatu dabe.