Askartzak gora ala beherako partidua dauka Teneriferen aurka. Goian irauteko, irabazi egin behar dau. Galtzen badau, atzera egingo dabe leioaztarrek. Unai Azkorra jokalariak azaldu deuskunez, azken partidua arraroa izan zan. Azkorra bera min hartuta dago, eta beste hainbat jokalari falta izan ziran. Galdu egin eben (8-4) Dos Hermanasen. Bizkaia Lehian Iker Lavin (Getxo Artea) eta Izaskun Garcia (Gernika KESB) izan dira beste konbidadu biak. Getxok garaipena lortu dau azkenaren aurka. Gernikak, barriz, Gironaren aurka galdu dau.