Zamudiok goienean hasi dau denporaldia. Lehenengo dago, oso sendo, eta 4 puntuko tartea egin dau bigarrenagaz, Balmasedagaz. Andoitz Galdos jokalariak Atetik saioan esan deuskunez, dana doa ondo. Eta talde oso indartsua daukiela onartu dau. Getxori irabazita dagoz Zamudioztarrak (1-0). Datorren jardunaldian, Santutxura joan behar dabe. Jon Garai 'Tuto' Balmasedako jokalaria da. Tutok onartu dau zamudioztarrena dala mailako talderik sendoena. Balmasedak, barriz, azken partiduetan indarra galdu dau. Durangon, 1-0 jausi dira Culturalaren aurka. Datorren jardunaldian Pasaia hartuko dabe Balugan. Aitor Ramos Arenasko jokalariagaz hasi dogu saioa. Arenas sailkapenaren erdian dago. Azken partiduetan ezin dau irabazi. Ramosek onartu dau akatsak zuzendu beharko dituela garaipenak eskuratzeko. Lehenengo aukerea, Toledoren aurka izango da. Gobelan.