Datorren ikasturtean futbol entrenatzaile izateko euskarazko ikastaroa eskainiko dau lehenengoz Bizkaiko Futbol Federazinoak. Futbol entrenamenduak euskaraz egiteko gidea aurkeztu dabe gaur BFAk, Bizkaiko Futbol Federazinoak, Koikili Lertxundik zuzentzen dauen Itzarri Consulting-ek eta Athleticek. Gidea entrenatzaile izateko bidean dagozanek erabiliko dabe. Argitalpenak hainbat kapitulu daukaz: oinarri psikopedagogikoak eta anatomikoak, lehen sorospenak, higienea, kirolaren legeria etabar luzea batzen ditu. Bizkaiko lau eskualde desbardinetan klubei begirako aurkezpenak egingo dabez laster.