Lerro Hockeyan, Metropolitanok play-offa jokatuko dau zapatu honetan, Zorrotzan (19:00). Espanya liderra izango dau aurkari. Ibai Kortabitarte jokalariak esan deuskunez, gatxa izango da baina, zegaitik ez. Ezustekoa emoteko aukerea ikusten dau. Metropolitanok lehen partidua irabazi, eta bizirik joan gura dau Mallorcara. Eskubaloian, Zuazok Valladolidera jo behar dau, Zarautzi derbia irabazi eta gero. Waterpoloan, Askartzak Tres Cantos izango dau aurkari zapatuan, Leioan (18:00). Beisbolean, barriz, hasi da denporaldia mailarik gorenean. San Inaziok Bartzelona izan dau aurkari. Partidu bitik bat irabazi dabe bilbotarrek. Ainhoa Azaola (Zuazo), Unai Azkorra (Askartza) eta Markel Mendizabal (San Inazio) izan dira gure beste konbidaduak.