Barakaldok 0-4 irabazi deutso Guadalajarari. Lau jardunaldiren faltan, ba, barriro dago igoteko playofferako lehian. Guadalajararen aurkakoa hil ala bizikoa zan. Orain, beste final bat dauka Toledoren aurka. Guadalajara ta Toledo laugarren eta bosgarren dagoz sailkapenean. Barakaldok baino 3 puntu daukiez gehiago. Odei Onaindia jokalariak Atetik saioan esan deuskunez, eurenari eutsi behar deutsie. Ibon Entziondo (Gernika) eta Carlos Uriarte (Erandio) be konbidau ditugu saiora. Gernika 2. parau da 3. mailako sailkapenean. Erandiok hil ala biziko partidua dauka. Pasaian bardindu edo galtzen badau, Ohorezko Mailara jatsiko da.