Ertzainen artean euskerearen erabilerea bultzatzeko Harlax bloga ipini eben martxan 2013.urtean. Endika Etxebarria da blog honen atzean dagoanetako bat. Etxebarria blogaria eta ertzainen euskera irakaslea da Arkauteko akademian. Ikasleakaz izaneako hartuemona edo loturea ez galtzeko ipini eben martxan blog hau. Etxebarriaren esanetan ertzain euskaldun asko dago, sarritan herritarrak inpresino hori izan ez arren. Blog hau ez da euskerea ikasteko gunea. Ertzainak motibau eta informazinoa alkarbanatzeko erabilten dabe. Ertzaintzako gaiakaz zerikusia dauken kontuak ipinten dabez, lanbideagaz lotutako bideoak, eta sarritan hiztegi teknikoa batzen daben albisteak edo artikuluak be bai.