Unesco Etxeak Giza Eskubideen egunean elikadurarako eskubidea aldarrikatu dau. Giza Eskubideen Deklarazinoko 25garren artikuluak dino persona guztiek elikadura orekatu baterako eskubidea daukiela. Artikulu honetan nabarmentzen dan eskubidea herrialde batzutan ez dala beteten nabarmendu dau Unesco Etxeak. Goseteagaitik milaka ume hilten diran sasoi honetan Nieves Fernandezek Unesco etxeko presidenteordeak mezu argia kaleratu dau. Gai honen harira herritarren arretea deitzeko Unesco Etxeak emon minitu bat ogiaren alde izeneko kanpaina aurkeztu dau kalean bertan. Minitu bateko ikus-entzunezkoen lehiaketa bat be antolatu dau GKEak. Bideoak aurkezteko epea urtarrilaren 14an amaituko da, oinarrrien barri euki nahi izanez gero jo unescoetxea.org webgunera.