Eako poesia egunak aurten hilaren 13, 14 eta 15ean egingo dira. Eako poesia egunak Herrijeri Emon Arnasa kultur alkarteak antolatzen ditu herritarrakaz alkarlanean. Gabriel Arestik Ean igaro zituen bere azken urteak, gaixorik jada, eta poema batzuk herrian bertan idatzi zituen eta herriari eskaini eutsozan. Alde horretatik, Aresti eta bere lana omentzea eta euskal literatura -bereziki poesia- zabaltzea dira egunon helburuak. Gonbidatu berezia Yolanda Castaño izango da. Dana dala, bertoko gonbidatuak be egongo dira, hau da, urteko poeten erakustaldia egingo da. Egitaraua oso da zabala eta informazino guztia sarean kontsultau daiteke: eakopoesiaegunak.com helbidean.
Antolatzailea da Asun Landa eta beragaz egin dogu berba Bizkaia Irratian.