ELA sindikatua eta Iparraldeko BIZI alkartea Rio de Janeiron, bagilaren 20an egingo dan Lurraren batzar alternatiboan egongo dira.1992an Rion NBEak deituta ingurumenaren eta garapen jasangarriaren 1go goi batzarra egin eben. Aurton 20 urteren ostean errepikatuko dabe. Hortik Agenda 21eko programek eta klima aldaketaren aurkako konferentziek urten eben. ELAren eta BIZI alkartearen ustez kapitalismoak sortutako kutsadurea estaltzeko balio izan dabe horreek. Lurrazalaren batazbesteko tenperaturea 21garren mendea amaitu orduko 3,5 eta 5 gradu bitartean igoko da. Adituen arabera 2020a baino lehen berotegi efektua sortzen daben CO2 isurketakaz amaitzen ez badogu joerea eteteko beranduegi izango ei da. Bagilaren 5ean ingurumenaren nazinoarteko egunean, Bilbon, Abandoibarrako EHUren paraninfoan “Ekonomia Berdea. Etekin handiak ingurumenaren kontura” izeneko berbaldia eskainiko dabe ezker antikapitalistak, Ekologistak Martxanek eta BIZI alkarteek.