Euren esnea euskeraz baino ez dabelako etiketetan Kaiku taldearen salaketea jaso ondoren egin dabe aldarrikapena, euskera hizkuntza modernoa dala eta euskera hutsean edozer etiketau leitekela adierazi dabe. Kaiku taldeak salaketea ipini eban Eusko Jaurlaritzako Elikagai Kalidaderako Zuzendaritzan, Euskal Herria Esneak bere ontziak euskeraz baino ez ditualako etiketetan. Espainiako etiketatze legearen arabera beti erabili behar da gaztelania, baina salbuespen bat dago: Erkidego bakoitzeko hizkuntzea erabili leiteke produktua Erkidegoan bertan ekoiztu eta saltzen danean. Euskal Herria Esnearentzat horrek ez dauka holan izan beharrik, produktu guztiak saldu leiteke euskeraz.