Bihar ikasle goizak hasierea emongo deutso Durangoko Azokaren 55garren edizinoari. Inaugurazino ekitaldia arratsaldeko 18:00etan izango da Landako Gunean eta ostean Kai nakairen kontzertua hasiko da Plateruena Kafe Antzokian. Gerediaga alkartekoek Landako Gunean sortu daben bildegian 2.300 produktu eukiko dabez eta denda birtuala erabiliko dabenei eskatutakoa etxera bialduko deutsie.  Gerediaga alkarteko kudeatzailea dan Arantza Atutxak esan deusku DA ziurtasunik bako egoera baten antolatu dabela eta ez dala bapebe erraza izan. Halan da be dana aurrera atarateko egon dan talde lana goraitatu dau. Babesleek eta erakundeek igaz beste lagundu dabela azpimarratu dau eta urtero azoka fisikora hurreratzen zanari, orain, azoka birtualean kontsumiduteko deia egin deutso. Online dendan sartu diranek dagoeneko diskoak eta liburuak eskatuz 1.200 orgatxoen erreserbea egin dabe. Gerediaga alkarteko Arantza Atutxak esan deusku Landako Gunean 5.000 kutxa inguru daukiezala beteteko prest.