Greba hasi zanetik astebete igaro danean enpresa batzordeko kidea dan Ane Lopez izan dogu "Goizeko Izarretan" saoian. Lopezek kaleratu gura dabezan Boroako inprentako 26 langileen kasua azaldu deusku. Pasa dan astelehenetik paperean argitaratzen ez dan DEIAko beharginek 2009tik soldata murrizketak eta ordainketetan atzerapenak jasaten dabilzala salatu dau. 

Zuzendaritzeagaz negozietan dabilz eta momentuz greban jarraitzea erabagi dabe. Gaur goizeko 08:00etan manifestazinoan urten dabe Basurtutik, DEIA egunkariaren egoitzaren aurretik. Ane Lopezek azaldu deuskunez erredakzinoko kazetarien eta inprentako beharginen arteko alkartasuna erabatekoa da eta mobilizazinoakaz aurrera jarraituko dabe.