Burmuineko paralisiaren kontrako eguna da gaur eta Bilbon ASPACE alkarteak bere lanaren barri emon dau. 500 lagunen artetik batek garuneko paralisia dauka, horrek esan gura dau mundu osoan 17 milioi pertsonek gaixotasun hau jasaten dabela.
Burmuineko paralisia sendaezina da eta denboran iraunkorra be baina gaixoek bizitzea modu duin baten bizi ahal dala argitu gura izan dabe. Pertsona honeei senitartekoek eta ASPACE Bizkaia alkartekoek etenbako laguntzea emoten deutsie. Kepa Errauskin, ASPACEko presidenteordea da ta beragaz egon gara. Garuneko paralisi bakotxak era diferentean eragiten dau. Lautik batek ezin dau berbarik egin bestalde hirutik bat ezin da ibili eta gurpildun aulkian doa. Eurek be murrizketa ekonomikoak jasaten dabezala dinoe beren beregi botiken kopagoaren eta gailu ortoprotesikoen garestitzearen ondorioz.