Athleticek sendo hasi dau denporaldia. Bost partidutatik lau irabazi ditu eta bat bardindu. Sailkapenean 13 puntu daukiez zurigorriek. Atletico, Bartzelona eta Realagaz bardinduta dagoz lehen tokian. Orain Huelvako Sportingen aurka jokatu behar dabe Joseba Agirreren neskek. Entrenatzaile aldaketea ondo hartu dabela esan leiteke. Joan dan urtean lesinoakaitik gazte asko sartu zan taldean, eta irabaztea kosta egiten jaken. Aurten gauzak estuago datozanean be garaipena lortzen dabe, Iraiak Bizkaia Lehian saioan esan deuskunez. Errugbian, Gernikak jokatuko dau etxean, Santboianaren aurka. Lerro Hockeyan, Metropolitanok Valladoliden aurka dauka. Saskibaloian, Gernikak laugarren garaipenaren bila urtengo dau Campus Prometeren aurka. Eta, bedar-hockeyan, Jolasetak Egara izango dau aurkari.