Metropolitanoren helburua, Mallorcara bizirik joatea zan, eta lortu dau. Bilbotarrek 6-3 irabazi dabe play-offeko lehen partidua Zorrotzan. Orain, dana erabagiko da Mallorcan. Metropolitanok partidu bat irabazi behar dau. Espanyak, barriz, bi. Ibai Kortabitarte jokalariak azaldu deuskunez, gogotsu doaz Balear uharteetara. Errugbian, Bizkaia Gernikak arazoak izango ditu maileari eusteko. Hernanigaz bardinduta dago azken aurreko lekuan, jardunaldi biren faltan. Iker Olaeta jokalariak azaldu deuskunez, taldeak dana emotera urten behar dau Bartzelonaren eta Bathcoren aurka. Waterpoloan, Leioak Marbella hartuko dau zapatuan Askartzan. Virginia Cobosek azaldu deuskunez, irabazi eta hirugarren lekua lortzea da helburua. Amaitzeko, Lointek Ugeragak helburu bi daukaz Emakumeen Biran. Lehenengo gazteenaren eta euskaldunaren maillotak janztea. Eider Merino txirrindulariagaz egin dogu berba.