`Bizi Musika´ zikloa sortu dabe Galdakaon, pandemia garaian Musika Bizian jaialdiaren alternatiba lez. Jon Gomez Andra Mari Dantza taldeko kideak azaldu deuskunez, aurten ezinezkoa da Musika Bizian jaialdia bere ohiko formatuan antolatzea. Urriko azken astegoienean bost kontzertu antolatu beharrean, aurten lau emonaldi programau dabez hileko zapatuetarako: Joseba Tapia (urriak 10), Oreka TX (urriak 17), LauSo (urriak 24) eta Izaro (urriak 31). Kontzertuok  debalde izango dira eta Torrezabal Kultur Etxean eta Elexaldeko Andra Mari elizan izango dira.