Segurtasun kontuak dirala eta Plaza Barrian aurton ez da txoznarik egongo. Azokan egongo diran 8 txoznak Areatzan kokatuko dabez. Ibon Agirre antolatzaileetariko bat dogu eta esan deusku azokaren inaugurazinoan goizeko 10.30etan antolatzaileek Athletic futbol taldea omenduko dabela. Barazki saltokiak 28 izango dira, ogia eta euskal pastela saltzekoak 15, gaztaianak 23, landarakaz eta lorakaz 5 postu, txerrikiakaz 17, fruteagaz 3, eztiagaz 8, kontserbakaz 10 eta txakolina edo sagardaoa saltzen 10 postu. Arlo bakotxeko 600 euroko saria bananduko dabe eta antolakuntzatik esan deuskue azoka honetan gero ta produktore gazte gehiagok izena emoten dabela. Egutegiak banatzen goizeko 10etan hasiko dira eta arratsaldeko 19:00retan Oskorri eta Pub Ibiltariaren musika kontzertua izango da Kale Nagusiko BBKren Areto Nagusian.