Bilbao Basketek jokalari bi fitxau ditu datozen hile bietarako. John Jenkinsek eta Alade Aminuk, lesionaturik dagozan Balvin eta Serronen lekuak beteko dabez. Jokalari honeen aurretik, Huskic eta Miniotas be ekarri ditu Bilboko taldeak plantilea indartzeko. Izan be, Bilbao Basketek garaipen bi baino ez dau lortu hamahiru jardunalditan eta sailkapeneko beheko aldetik urten ezinik dabil. Beste alde batetik, Lointek Gernika Bizkaia zerrenda buru izango da kopa txapelketaren zozketan, azken jardunaldian Tenerife menderatu ostean. Hogeitahiru puntuko aldeaz nagusitu ziran Mario Lopezen jokalariak. Ganera, Roso Buch jardunaldiko bostekorik onenenan aukeratu dabe. Honeek eta beste kontu batzuk jorratu doguz saskibaloi tertulian Mikel Reina eta Unai Zamalloa entrenatzaileekaz.