Berangoko Kurtzez auzoko landa eremuan Otxantegi izeneko auzolana jarri dabe martxan. Azkorri Ikastetxetik gertu dagoan Gorrondatxe bideko 34 zenbakian berdegune handi-handia dago. Otxantegi plataformak hantxe eregi gura daben urbanizazino handi baten kontra protestau gura dau. Hori eta lurraren erabilera askeago bat aldarrikatu be bai.

Otxantegi plataformako Jonek azaldu deusku Uribe Kostan etxebizitza larregi egiten dabilzala eta hori Berangon igerten hasi dirala. Gorrondatxe bideko berdegunean 500 etxebizitza eregi gura dabez zortzi hektarea neurtzen dauzen landa eremuan. Berangoko hainbat bizilagunek Otxantegi proiektuan parte hartzeari ekin deutse eta leku horretan lurra ereiten eta produktuak landatzen hasi dira.