Bizkaia Gernikak hil ala biziko partidua dauka Bathco Rugbyren aurka. Ligako azken jardunaldia da, eta basurdek zuzenean jaisteko arriskua daukie. Sailkapenean, azken aurrekoak dira Hernanigaz bardinduta. CRC daukie atzetik 3 puntura. Azken jardunaldian erabagiko da nor non geratzen dan. Azkena jatsi egingo da, aurrekoak promozinoa jokatuko dau, eta hamargarrenak maileari eutsiko deutso. Iker Olaeta jokalariak esan deuskunez, heldu da benetako ordua. Jolasetak emakumeetan antzeko egoerea dauka. Taburienterean aurka irabazi behar dau domeka eguerdian, eta Tenisek galtzea itxaron. Saskibaloian, Bidaideak BSR bigarren geratu da Challenge Cupen. Asier Garciak ontzat jo dau bigarren tokia, nahi ta lastimea izan txapeldun ez geratzea. Beisbolean, Sanik garaipen bat ekarri dau Burlatatik. Lehenengoa galdu eta bigarrena irabazi eben (6-0; 0-1).