2020ra begira Helmugak proiektuak ekintza bi egingo dauz: lasterketa bat eta ekintza solidario bat. Orain arte ekarpen solidarioak beste herrialde batzutan egin izan dabez, baina orain hurrekoei laguntzeko ekimena egingo dabe. Udan, garagarrila amaieran, Ander Txakartegik Aspanovas-en aldeko pedalkadak emongo dauz, Berriatuan hasi eta Berriatuan amaituz, Euskal Herria zeharkatuz. Ekimen solidarioa #Agertxopirata izenpean egingo da eta dagoeneko crowdfunding kanpainea martxan jarri dabe www.kukumiku.com web atariaren bitartez. Orain, egun batzuk barru, Saudi Arabian egingo dan Titan Series lasterketan parte hartuko dabe Ander Txakartegik eta Oier Aurrekoetxeak. Ander Txakartegigaz egon gara berbetan.