Amorebietak garaipena lortu dau aspaldiko partez. Mensajerori irabazi deutso (1-0). Jon Orbegozo aurrelariak Atetik saioan esan deuskunez, bide horrexetan segidu gura dabe. Sailkapenean zazpigarren dagoz, eta Sestao Riverren aurka jokatu behar dabe. Partidu interesgarria izango da Las Llanasekoa. Sailkapenean be alkarren ondoan dagoz-ta. Hirugarren mailan, ezustekoa Ondarroako Aurrerak emon dau. Balmasedari irabazi deutso (4-1). Halanda be, azken tokian dagoz ondarrutarrak. Bide onean segidu gura dabe. Aretxabaletara joan behar dabe astegoienean. Beste partidu erakargarri bat. Sailkapenean azkena eta aurrekoa dira. Ander Laka Ondarroako Aurrerako jokalariak, aitortu dau irabazi beharreko partidua dala maileari eusteko.