Elorrion mozorro lehiaketea egingo dabe, sare sozialak erabilita. Mozorroen argazkiak atara eta sare sozialen bidez zabalduko dira. Julene Lazkanok, Elorrioko jaietako zinegotziak esan deuskunez lehiaketea martxan dago hilaren hasieratik. Aratusteak aurten etxean ospatu beharko dira, baina hala ere, Arriolan ekitaldiren bat eskainiko da domekaz, martitzenez eta eguaztenez.

Busturialdeko eskola txiki baten be egon gara gaur "Goizeko Izarretan" irratsaioan. Arratzuko Barrutia eskolan eskualdeko herri txikietako eta Gernikako Errenteria auzoko 293 ikasle dagoz. Gaurkoan eskolako umeek zinean ezagun egin diran musikal batzuk antzeztuko dabez eta Cabaret edo Lehoi Erregea pelikuletako protagonsitez mozorratuko dira. Eskolako zuzendaria dan Gemma Astigarragagaz berba egin dogu.