Gaur, Auto Bako egunean sartu da indarrean Bilbon 30 kilometro orduko abiadura mugea. Munduan neurri hau ezarri dauan 300.000 biztanletik gorako lehenengo uria da Bilbo. Getxon garagarrila hasieran ezarri eben neurria. Ordutik udalerriko bide sare osoan ezin daiteke 30 kilometro orduko abiadurea gainditu. Amaia Agirre alkateak esan deuskunez, momentuz balorazino positiboa egiten dabe. Alkateak gaineratu dau getxoztarrek orokorrean ondo hartu dabela erabagia.