San Martin eguna, egun handia da Arrietan. Aurten, ospakizun bakoa, Covidari aurre egiteko neurrien eraginez. Lau Haizetara saioaren barruan, Arrietara joan gara, Herriz Herri. Aitor Agirre alkateagaz udalerriaren egoerea aztertu dogu. Telekomunikazino arloan, hobetu behar handia dagoela esan deusku, eta lanean dabilzala beste udalerri batzuekin. Beste hainbat gai be jorratu ditugu alkateagaz, eta kulturan be gogor dabilzala ikusi dogu Itsaso Otazua zinegotziagaz. Ipuin lehiaketara aurkezteko epea zabalik dago, eta Euskaraldia badator.