Domekan, maiatzaren 29an ospatuko da aurtengo Ibilaldia. Bilboko Abusu Ikastolak antolatuko dau eta pandemia osteko murrizketarik bako lehenengo Ibilaldia izango da. Zaloa Aldatz Abusu Ikastolako gerenteak esan deuskunez, "ohiko Ibilaldia berreskuratuko dabe, ohiko guneakaz, ibilbideagaz...". Lau kilometroko ibilbidea izango da eta guneak ikastolan, Ibaieder parkean, Ollarganen eta Montefuerten egongo dira. 'Erroharrihar'  lelopean, aurtengo egitarau zabalak publiko guztiarentzako jarduerak hartuko dauz.