Gaur Goya sariak ospatuko dira Valentzian. "Maixabel" pelikula, euskal zinematografiako urteko fenomeno handienetakoa, hamalau sailetan dago izendatuta. Eta izendatutakoen artean, aktore bizkaitar bat daukagu; Urko Olazabal. Bera, gaur Valentzian egongo da, Maixabel pelikulan egin dauen interpretazino bikainagaitik taldeko aktore onenaren sailean. Euskal Herriko Unibertsitatean Arte Ederrak ikasi zituan. Dana dala, izendapena arrakastaren islada da, hori argi dau.

Ez da bere lehenengo pelikula, zineman eta telebistan be aktore lanak egin dauz, eta gidoilari moduan be aritu da. Telebistan adibidez, Goenkale, La víctima número 8, Patria eta La que se avecina telesailan agertu da, eta zineman, Ira, Errementari, Ane eta Maixabelen. Urko Olazabal pozik dago, eta Maixabel filma egiteko prosezua eta sentsazinoak azaldu deuskuz Bizkaia Irratian