"Dragoi Ehiztaria" filmea bihar barikuz helduko da zine aretoetara. Gaur eguenez aurrestreinaldia egingo da Getxon. Patxi Barkok zuzendu dau ta Asier Hormaza eta Itziar Ituño dira protagonista nagusiak. Euskal Herria eta Erdialdeko Amerika daukaz oinarritzat filmeak. Pelikulea Cuban eta Euskal Herrian grabau dabe. Euskaraz inoiz filmau dan filmerik garestiena da, 3 milioi euroko aurrekontua euki dau horretarako. Sinopsia: 70garren hamarkadan ETAko kidea izandako batek talde armadua laga eta Nikaraguara zein Salvadorrera alde egingo dau bertakoei laguntzera, han maitemindu be egingo da.